សូមណែនាំទៅកាន់អតិថិជនជាទីរាប់អាន៖ សូមប្រុងប្រយ័ត្នចំពោះកាស៊ីណូអនឡាញទុច្ចរិត ក្លែងបន្លំជា ណាហ្គាវើលដ៍

ក្នុងរយៈពេលប៉ុន្មានខែកន្លងមកនេះ យើងខ្ញុំបានទទួលព័ត៌មានថា មានការកើនឡើងករណីឆបោក និងសារទូរស័ព្ទបោកប្រាស់ ផ្ញើចេញពីបុគ្គល ឬអង្គភាពទុច្ចរិត ដែលក្លែងបន្លំភ្ជាប់ខ្លួននឹងណាហ្គាវើលដ៍
ឬ ប្រើប្រាស់ឈ្មោះ ពាណិជ្ជនាម និងនិមិត្តសញ្ញា ដែលប្រហាក់ប្រហែល ឬដូចគ្នានឹងណាហ្គាវើលដ៍តែម្តង។ ពាក់ព័ន្ធនឹងបញ្ហានេះ យើងខ្ញុំសូមជម្រាបជូនអតិថិជនទាំងអស់មេត្តាជ្រាបថា ណាហ្គាវើលដ៍មិនផ្តល់សេវាកម្ម ហើយក៏មិនគាំទ្រសកម្មភាពល្បែងស៊ីសងតាមប្រព័ន្ធអនឡាញ ឬសកម្មភាពល្បែងតាមប្រព័ន្ធអ៊ីនធើណេតលេងពីចម្ងាយឡើយ។

 

ដើម្បីការពារខ្លួនពីសកម្មភាពឆបោកទាំងនេះ សូមអតិថិជនទាំងអស់ប្រុងប្រយ័ត្នជានិច្ចចំពោះរាល់ការទំនាក់ទំនងទាំងឡាយណាដែលអះអាងថាមកពីណាហ្គាវើលដ៍។ អង្គភាពទុច្ចរិតទាំងនោះអាចប្រើប្រាស់មធ្យោបាយផ្សព្វផ្សាយផ្សេងៗ ដូចជាការផ្ញើសារជាអក្សរ ការទាក់ទងផ្ទាល់តាមទូរស័ព្ទ តាមបណ្តាញសង្គម ការប្រើប្រាស់កូដ QR ឬអ៊ីម៉ែល ទាញចេញពីគេហទំព័រ ឬក្រុមហ៊ុនណាមួយ ដោយភូតកុហកថាជាណាហ្គាវើលដ៍។

 

លើសពីនេះ ណាហ្គាវើលដ៍ ក៏មិនស្នើសុំព័ត៌មានផ្ទាល់ខ្លួន ឬព័ត៌មានលម្អិតរបស់សមាជិក តាមរយៈការទាក់ទងតាមទូរស័ព្ទ សារជាអក្សរ ឬអ៊ីម៉ែលឡើយ។ ប្រសិនបើលោកអ្នក ទទួលបានការទាក់ទងណាមួយដែលគួរឱ្យសង្ស័យ ដែលបានអះអាងថាមកពីណាហ្គាវើលដ៍ សូមរាយការណ៍ជាបន្ទាន់ទៅមន្ត្រីសេវាកម្មអតិថិជនរបស់យើងខ្ញុំតាម
រយៈ rewards@nagaworld.com ឬ +85515997775 ។

 

សូមអតិថិជនទាំងអស់មានការប្រុងប្រយ័ត្នខ្ពស់ និងជៀសវាងការចូលទៅកាន់គេហទំព័រ ឬផ្លេតហ្វមក្លែងបន្លំទាំងនោះ។ សូមប្រុងប្រយ័ត្នខ្ពស់ ចំពោះតំណភ្ជាប់ដែលគួរឱ្យសង្ស័យ ឬស្នើសុំព័ត៌មានផ្ទាល់ខ្លួនរបស់អ្នក។ សម្រាប់សំណួរផ្សេងៗ ឬដើម្បីរាយការណ៍សកម្មភាពសង្ស័យ សូមទាក់ទងមកកាន់យើងខ្ញុំដោយផ្ទាល់តាមរយៈអ៊ីម៉ែល ឬលេខទូរសព្ទខាងលើ។